ꦧ꧀ꦭꦺꦴꦒ꧀ꦲꦏ꧀ꦱꦫꦗꦮ Blog Aksara Jawa

꧋ꦲꦶꦁ ꦏꦲ꧀ꦲꦤꦤ꧀ ꦱꦢꦸꦭꦸꦂꦫꦶꦠ ꦲꦶꦁ ꦥꦸꦭꦺꦴ ꦏꦭꦶꦩꦤ꧀ꦠꦤ꧀ ꦏꦁ ꦥꦝ ꦲꦤꦤ꧀ꦢꦁ ꦥꦶꦱꦸꦱꦃ ꦲꦩꦂꦒ ꦲꦭꦱ꧀ ꦏꦁ ꦢꦶꦲꦺꦴꦧꦺꦴꦁ ꦢꦺꦤꦶꦁ ꦮꦺꦴꦁ ꦏꦁ ꦲꦠꦶꦤꦺ ꦩꦲꦭ꧈ ꦩꦲꦤ ꦭꦏꦸꦕꦶꦠꦿ ꦪꦲꦶꦏꦸ ꦮꦺꦴꦁ ꦏꦁ ꦲꦁꦔꦢꦶꦕꦼꦭꦸꦏ꧀꧉ ꦠꦸꦲ꧀ꦲꦸ ꦩꦚꦠ ꦲꦶꦁ ꦲꦶꦤ꧀ꦢꦿꦶꦪꦤꦶꦠ ꦪꦺꦤ꧀ ꦠ ꦒꦼꦤꦶ ꦏꦁ ꦩꦏꦤ꧀ꦠꦂꦏꦤ꧀ꦠꦂ ꦲꦶꦏꦸ ꦩꦲꦸ ꦮꦶꦱ꧀ ꦲꦺꦴꦫ ꦧꦶꦱ ꦢꦶꦠꦁꦒꦸꦭꦁꦔꦶ ꦢꦺꦤꦶꦁ ꦩꦤꦸꦁꦱ꧉ ꦠꦸꦲ꧀ꦲꦸ ꦏꦧꦺꦃ ꦲꦶꦏꦶ ꦠꦶꦠꦃꦲꦶꦁ ꦒꦸꦱ꧀ꦠꦶ ꦲꦭ꧀ꦭꦃ꧉ ꦭꦤ꧀ ꦏꦧꦺꦃ ꦲꦶꦏꦶ ꦲꦮꦏ꧀ꦝꦺꦮꦺ ꦲꦺꦴꦫ ꦧꦶꦱ ꦲꦁꦔꦺꦴꦮꦃꦲꦶ ꦠꦤ꧀ꦥ ꦏꦂꦱ ꦢꦊꦩ꧀ ꦒꦸꦱ꧀ꦠꦶ ꦲꦭ꧀ꦭꦃ꧉ ꦲꦶꦁ ꦏꦲ꧀ꦲꦤꦤ꧀ ꦩꦁꦏꦺꦴꦤꦺꦴ꧈ ꦲꦮꦏ꧀ꦝꦺꦮꦺ ꦏꦸꦢꦸ ꦩꦲꦺꦭꦶꦁ ꦩꦤꦺꦃ ꦪꦺꦤ꧀ ꦏꦧꦺꦃ ꦲꦶꦏꦸ ꦤꦩꦸꦁ ꦠꦶꦤ꧀ꦤꦶꦠꦃ ꦢꦺꦤꦶꦁ ꦒꦸꦱ꧀ꦠꦶ ꦲꦭ꧀ꦭꦃ ꦭꦤ꧀ ꦧꦏꦭ꧀ꦭꦺ ꦲꦧꦭꦶ ꦩꦤꦺꦃ ꦩꦼꦚꦁ ꦒꦸꦱ꧀ꦠꦶ ꦲꦭ꧀ꦭꦃ꧉  ꧋ꦱꦁꦏꦤ꧀ꦥꦫꦤ꧀ꦤꦶꦁ ꦢꦸꦩ꧀ꦩꦢꦶ꧉ ꦲꦭ꧀ꦥꦺꦴꦏꦫ ꦲꦶꦏꦸ ꦮꦶꦱ꧀ ꦲꦫꦁ ꦏꦫꦸꦔꦸ ꦲꦶꦁ ꦧꦧꦿꦪꦤ꧀ ꦗꦮ ꦏꦁ ꦩꦤꦮꦏꦭ꧉ ꦩꦤꦸꦁꦱ ꦲꦏꦺꦃ ꦏꦁ ꦲꦭꦭꦶ ꦲꦶꦁ ꦏꦮꦶꦠ꧀ꦠꦤ꧀ꦤꦶꦪꦺ꧉ ꦩꦤꦸꦁꦱ ꦫꦸꦩ꧀ꦩꦁꦱ ꦪꦺꦤ꧀ ꦲꦸꦫꦶꦥ꧀ ꦲꦶꦏꦶ ꦤꦩꦸꦁ ꦲꦶꦁ ꦧꦸꦩꦶ꧉ ꦪꦺꦤ꧀ ꦠ ꦲꦸꦫꦶꦥ꧀ ꦲꦶꦏꦶ ꦱꦢꦸꦫꦸꦁꦔꦺ ꦲꦺꦴꦫ ꦩꦲꦤ꧉ ꦢꦺꦤꦺ꧈ ꦩꦤꦸꦁꦱ ꦲꦶꦏꦸ ꦱꦢꦸꦫꦸꦁꦔꦺ ꦩꦲꦸꦫꦶꦥ꧀ ꦲꦤ ꦲꦶꦁ ꦲꦠ꧀ꦩꦭꦺꦴꦏ꧉ ꦭꦤ꧀ ꦱꦢꦸꦫꦸꦁꦔꦶꦁ ꦲꦠ꧀ꦩꦤꦶꦠ ꦠꦶꦤ꧀ꦤꦶꦠꦃ ꦢꦺꦤꦶꦁ ꦒꦸꦱ꧀ꦠꦶ ꦲꦭ꧀ꦭꦃ ꦱ꧈ꦮ꧈ꦠ꧈ ꦏꦮꦶꦠ꧀ꦠꦤ꧀ꦤꦶꦁ ꦱꦂꦮ ꦗꦒꦢ꧀ ꦲꦶꦏꦶ ꦪꦲꦶꦏꦸ ꦏꦚ꧀ꦗꦼꦁ ꦲꦢꦶꦕꦃꦪ ꦩꦸꦲ꦳ꦩ꧀ꦩꦢ꧀꧉  ꧋ꦩꦤꦸꦁꦱ ꦭꦤ꧀ ꦗꦒꦢ꧀ ꦲꦶꦏꦸ ꦩꦱꦸꦚꦠ꧉ ꦭꦤ꧀ ꦥꦶꦱꦸꦚꦠ ꦲꦶꦏꦸ ꦠꦼꦒꦼꦱ꧀ꦱꦺ ꦲꦮꦏ꧀ꦝꦺꦮꦺ ꦭꦤ꧀ ꦗꦒꦢ꧀ ꦲꦶꦏꦶ ꦲꦺꦴꦫ ꦩꦲꦤ ꦥꦶꦏꦸꦮꦠ꧀ ꦲꦶꦁ ꦲꦥ ꦮꦲꦺ ꦏꦁꦒꦺꦴ ꦲꦥ ꦮꦲꦺ꧉ ꦠ...

꧌꧌ꦩꦲꦤ ꦱꦮꦶꦗꦶ ꦮꦺꦴꦁ ꦱꦏ ꦲꦶꦱꦿꦲꦶꦭ꧀ꦮꦁꦱ ꦏꦁ ꦮꦶꦱ꧀ ꦲꦩꦠꦺꦤ꧀ꦤꦶ ꦩꦤꦸꦁꦱ ꧙꧙꧉ ꦧꦚ꧀ꦗꦸꦂ꧈ ꦝꦺꦮꦺꦏ꧀ꦏꦺ ꦏꦥꦺꦔꦶꦤ꧀ ꦩꦲꦢꦶꦧꦭꦶ꧉ ꦝꦺꦮꦺꦏ꧀ꦏꦺ ꦲꦠꦼꦏ ꦩꦫꦁ ꦮꦶꦏꦸ ꦭꦤ꧀ ꦝꦺꦮꦺꦏ꧀ꦏꦺ ꦲꦠꦏꦺꦴꦤ꧀ ꦪꦺꦤ꧀ ꦲꦢꦶꦧꦭꦶꦤꦺ ꦧꦏꦭ꧀ ꦏꦠꦩ꧀ꦥ꧉ ꦮꦶꦏꦸ ꦩꦲꦸ ꦲꦸꦩ꧀ꦩꦸꦤꦶ ꦲꦺꦴꦫ꧈ ꦧꦚ꧀ꦗꦸꦂ ꦮꦺꦴꦁ ꦲꦶꦏꦸ ꦩꦲꦸ ꦲꦩꦠꦺꦤ꧀ꦤꦶ ꦝꦺꦮꦺꦏ꧀ꦏꦺ꧉ ꦮꦺꦴꦁ ꦲꦶꦏꦸ ꦲꦩ꧀ꦧꦚ꧀ꦗꦸꦂꦫꦏꦺ ꦲꦠꦏꦺꦴꦤ꧀ ꦔꦤ꧀ꦠꦶ ꦮꦺꦴꦁ ꦭꦶꦪ ꦲꦩꦿꦪꦺꦴꦒꦤ꧀ꦤꦶ ꦝꦺꦮꦺꦏ꧀ꦏꦺ ꦏꦁꦒꦺꦴ ꦲꦭꦸꦔ ꦩꦼꦚꦁ ꦱꦮꦶꦗꦶ ꦢꦺꦱ꧉ ꦝꦺꦮꦺꦏ꧀ꦏꦺ ꦏꦥꦺꦔꦶꦤ꧀ ꦩꦫꦺꦴꦤꦺꦴ ꦲꦤꦔꦶꦁ ꦥꦠꦶ ꦲꦠꦼꦏ ꦲꦶꦁ ꦲꦮꦏ꧀ꦏꦺ ꦲꦶꦁ ꦱꦠꦼꦔꦃ ꦭꦏꦸꦤꦺ꧉ ꦤꦭꦶꦏ ꦝꦺꦮꦺꦏ꧀ꦏꦺ ꦲꦩꦠꦶ꧈ ꦝꦺꦮꦺꦏ꧀ꦏꦺ ꦲꦁꦮꦸꦗꦼꦂꦫꦏꦺ ꦝꦝꦤꦺ ꦲꦸꦩ꧀ꦩꦝꦼꦥ꧀ ꦢꦺꦱ꧉  ꦱ꧀ꦮꦂꦒꦢꦸꦠꦤꦶꦁ ꦥꦶꦮꦼꦭꦱ꧀ ꦭꦤ꧀ ꦱ꧀ꦮꦂꦒꦢꦸꦠꦤꦶꦁ ꦥꦶꦢꦤ ꦩꦲꦸꦢꦸꦂ ꦧꦧꦒꦤ꧀ ꦝꦺꦮꦺꦏ꧀ꦏꦺ꧉ ꦒꦸꦱ꧀ꦠꦶ ꦲꦭ꧀ꦭꦃ ꦲꦥꦫꦶꦁ ꦝꦮꦸꦃ ꦠꦸꦗꦸꦱꦤꦤꦺ ꦱꦸꦥꦪ ꦲꦚꦼꦝꦏ꧀ ꦩꦼꦚꦁ ꦝꦺꦮꦺꦏ꧀ꦏꦺ ꦭꦤ꧀ ꦢꦺꦱꦤꦺ ꦏꦁ ꦲꦭꦮꦱ꧀ ꦱꦸꦥꦪ ꦲꦔꦼꦢꦺꦴꦃ꧉ ꦧꦚ꧀ꦗꦸꦂ꧈ ꦒꦸꦱ꧀ꦠꦶ ꦲꦭ꧀ꦭꦃ ꦲꦥꦫꦶꦁ ꦝꦮꦸꦃ ꦩꦫꦁ ꦥꦫ ꦱ꧀ꦮꦂꦒꦢꦸꦠ ꦩꦲꦸ ꦏꦁꦒꦺꦴ ꦲꦁꦔꦸꦏꦸꦂ ꦥꦶꦪꦢꦺꦴꦃ ꦲꦤ꧀ꦠꦫꦤꦶꦁ ꦭꦪꦺꦴꦤ꧀ꦤꦺ ꦭꦤ꧀ ꦢꦺꦱ ꦱꦏ꧀ꦭꦺꦴꦫꦺꦴꦤ꧀ ꦩꦲꦸ꧉ ꦝꦺꦮꦺꦏ꧀ꦏꦺ ꦏꦠꦼꦩꦺꦴꦏ꧀ꦏꦏꦺ ꦭꦸꦮꦶꦃ ꦲꦕꦼꦝꦏ꧀ ꦩꦼꦚꦁ ꦠꦸꦗꦸꦱꦤꦤꦺ ꦩꦸꦭꦤꦺ ꦝꦺꦮꦺꦏ꧀ꦏꦺ ꦏꦥꦫꦶꦁꦔꦤ꧀ ꦲꦥꦸꦫ꧉꧍꧍ ꧋ꦲꦢꦶꦮꦢ ꦢꦊꦩ꧀ ꦲꦶꦁꦏꦁ ꦮꦁꦱꦶꦠ꧀ꦢꦸꦠ꧈ ꦏꦚ꧀ꦗꦼꦁ ꦤꦧꦶ ꦩꦸꦲ꦳ꦩ꧀ꦩꦢ꧀ ꦱ꧈ꦲ꧈ꦮ꧈ ꦲꦶꦁ ꦲꦗꦶꦃ ꦱ꦳ꦲ꦳ꦲ꦳꧀ ꦧꦸꦏ꦳ꦴꦫꦶ ꧊꧇꧓꧒꧘꧓꧇꧊ ꦩꦸꦠ꧀ꦠꦥ꦳ꦐꦸꦤ꧀ ꦲꦭꦻꦃ꧈ ꦲꦶꦁ ꦲꦗꦶꦃ ꦫꦶꦪꦝ꦳ꦸꦱ꦳꧀ ꦱ꦳ꦭꦶꦲ꦳ꦶꦤ꧀ ꧇꧑꧇꧇꧓꧇꧇꧗꧗꧇꧉ ꧋ꦏꦗꦂꦮꦏ꧀ꦏꦏꦺ ꦱꦏ ꦧꦱ ꦲꦶꦁꦒꦿꦶꦱ꧀꧉ ꧋ꦥꦫꦶ...