ꦩꦤꦱꦸꦏ꧀ꦩꦤꦶꦁ ꦥꦶꦤꦶꦲꦼꦚ꧀ꦗꦃꦲꦼꦚ꧀ꦗꦃ
꧋ꦲꦶꦁ ꦮꦪꦃꦲꦶꦏꦶ꧈ ꦩꦲꦤ ꦥꦮꦂꦠ ꦧꦧꦒꦤ꧀ ꦒꦠꦾ ꦥꦭꦪꦸ ꦲꦶꦁ ꦥꦸꦭꦺꦴ ꦧꦭꦶ꧉ ꦲꦶꦁ ꦏꦺꦴꦤꦺꦴ꧈ ꦩꦲꦏꦺꦃ ꦏꦁ ꦩꦲꦚꦼꦭ꧀ ꦪꦺꦤ꧀ ꦥꦶꦤꦭꦺꦴꦏꦱꦤ ꦲꦺꦴꦫ ꦏꦲꦺꦴꦭꦺꦃꦲꦏꦺ ꦲꦸꦩꦺꦭꦸ ꦢꦺꦤꦶꦁ ꦗꦸꦫꦸ ꦒꦠꦾꦤꦺ꧉ ꦧꦉꦁ ꦱꦩ꧀ꦱꦪ ꦲꦫꦩꦺ꧈ ꦒꦠꦾ ꦲꦶꦏꦸ ꦩꦲꦸ ꦲꦺꦴꦫ ꦱꦶꦢ ꦭꦸꦩꦏꦸ꧉ ꦲꦩꦂꦒ꧈ ꦗꦸꦫꦸ ꦒꦠꦾꦤꦺ ꦏꦥꦼꦤꦼꦠ꧀ ꦢꦺꦤꦶꦁ ꦮꦺꦴꦁ ꦩꦲꦏꦺꦃ ꦧꦧꦒꦤ꧀ ꦥꦶꦩ꧀ꦧꦺꦢꦧꦺꦢ ꦲꦤ꧀ꦠꦫꦤꦶꦁ ꦥꦶꦤꦭꦺꦴꦏꦱꦤ ꦭꦤ꧀ ꦥꦶꦤꦩꦚ꧀ꦕ꧉ ꦏꦁ ꦢꦸꦩꦢꦶ ꦱꦺꦴꦂꦒꦫꦶꦱ꧀ ꦲꦶꦁ ꦥꦮꦂꦠ ꦲꦶꦏꦶ꧈ ꦗꦸꦫꦸ ꦒꦠꦾꦤꦺ ꦲꦶꦏꦸ ꦮꦺꦴꦁ ꦭꦺꦴꦫꦺꦴ ꦭꦤ꧀ ꦏꦧꦺꦃ ꦲꦶꦏꦸ ꦩꦲꦸ ꦤꦒꦫꦤꦫ ꦤꦺꦢꦼꦂꦭꦤ꧀ꦝ꧀꧉
꧋ꦧꦫꦁ ꦏꦁ ꦏꦪ ꦩꦁꦏꦺꦤꦺ ꦲꦶꦏꦶ ꦪꦺꦤ꧀ ꦢꦶꦱꦮꦁ꧈ ꦭꦸꦩꦿꦃ ꦏꦭꦏꦺꦴꦤ꧀ ꦲꦶꦁ ꦗꦭꦧꦸꦩꦶꦤꦶꦠ꧉ ꦲꦶꦁ ꦮꦪꦃꦧꦶꦪꦺꦤ꧀꧈ ꦩꦲꦤ ꦏꦭꦏꦺꦴꦤ꧀ ꦥꦶꦤꦩꦚ꧀ꦕ ꦏꦪ ꦱꦏ ꦥꦺꦴꦂꦠꦸꦒꦭ꧀ ꦭꦤ꧀ ꦤꦺꦢꦼꦂꦭꦤ꧀ꦝ꧀ ꦏꦲꦺꦴꦭꦺꦃꦲꦏꦺ ꦠꦸꦩꦼꦏ ꦲꦶꦁ ꦗꦭꦧꦸꦩꦶ ꦲꦶꦏꦶ ꦢꦺꦤꦶꦁ ꦱꦥꦺꦫꦁꦔꦤ꧀ ꦮꦺꦴꦁ꧉ ꦩꦲꦤ ꦲꦸꦒ ꦏꦁ ꦲꦩꦼꦫꦁꦔꦶ ꦏꦪꦠ ꦱꦸꦭ꧀ꦠꦤ꧀ ꦲꦒꦸꦁ ꦲ꧀ꦲꦚꦏꦿꦏꦸꦱꦸꦩ ꦤꦫꦺꦤ꧀ꦢꦿ ꦲꦶꦁ ꦩꦠꦫꦩ꧀ ꦤꦭꦶꦏ ꦲꦔ꧀ꦭꦸꦫꦸꦒ꧀ ꦮ꦳꧈ꦲꦺꦴ꧈ꦕ ꦏꦁ ꦱꦏ ꦤꦺꦢꦼꦂꦭꦤ꧀ꦝ꧀ ꦲꦶꦁ ꦱꦸꦤ꧀ꦝꦵ ꦏꦼꦭꦥꦵ꧉ ꦲꦤꦔꦶꦁ꧈ ꦲꦶꦁ ꦱꦠꦼꦔꦃꦲꦶꦁ ꦥꦼꦫꦁ ꦩꦲꦸ꧈ ꦲꦸꦒ ꦩꦲꦤ ꦮꦺꦴꦁ ꦮꦺꦴꦁ ꦏꦁ ꦩꦕꦶꦢꦿ ꦏꦤ꧀ꦛꦶ ꦲꦔꦺꦴꦧꦺꦴꦁ ꦭꦸꦩ꧀ꦧꦸꦁ ꦏꦁꦒꦺꦴ ꦥꦔꦤ꧀ꦤꦤ꧀ꦤꦶꦁ ꦥꦫ ꦥꦿꦗꦸꦫꦶꦠ꧀ ꦏꦁ ꦲꦔ꧀ꦒꦸꦱꦃ ꦥꦶꦤꦢꦒꦁ. ꦮ꦳꧈ꦲꦺꦴ꧈ꦕ ꦏꦁ ꦩꦼꦁꦏꦺꦴ ꦧꦏꦭ꧀ꦭꦺ ꦲꦔ꧀ꦫꦸꦱꦏ꧀ ꦠ꧀ꦭꦠꦃ ꦗꦮ꧉
꧋ꦮꦺꦴꦁ ꦏꦁ ꦤꦩꦸꦁ ꦲꦩꦶꦏꦶꦂ ꦧꦛꦶꦤꦶꦁ ꦲꦮꦏ꧀ꦏꦺ ꦝꦺꦮꦺ ꦲꦶꦏꦸ ꦩꦲꦸ ꦲꦺꦴꦫ ꦲꦸꦩꦸꦝꦼꦁ ꦲꦥ ꦮꦲꦺ ꦏꦁ ꦢꦸꦩꦢꦶ ꦏꦂꦪꦥꦭꦤꦶꦁ ꦥꦠꦶꦤ꧀ꦢꦏ꧀ꦏꦺ꧉ ꦏꦁ ꦏꦥꦶꦱꦤ꧀꧈ ꦥꦶꦤꦩꦚ꧀ꦕ ꦩꦲꦸ ꦲꦔꦺꦏꦢꦒꦁꦔꦶ ꦗꦮ꧉ ꦱꦩ꧀ꦱꦪ ꦲꦱꦸꦮꦺ꧈ ꦥꦶꦤꦩꦚ꧀ꦕ ꦩꦲꦸ ꦏꦥꦺꦔꦶꦤ꧀ ꦲꦔꦸꦮꦱꦤꦶ ꦧꦫꦁ ꦭꦶꦪꦤꦺ꧉ ꦠꦠꦮꦔꦸꦤ꧀ꦤꦶꦁ ꦧꦧꦿꦪꦤ꧀ ꦗꦮ ꦢꦶꦲꦺꦴꦮꦃꦲꦶ꧉ ꦏꦮꦶꦮꦶꦠ꧀ꦠꦤ꧀ ꦱꦏ ꦱꦸꦏ꧀ꦩꦤꦶꦁ ꦮꦺꦴꦁ ꦗꦮ ꦲꦶꦁ ꦮꦪꦃ ꦲꦶꦏꦸ ꦪꦲꦶꦏꦸ ꦲꦒꦩ ꦲꦶꦱ꧀ꦭꦩ꧀ ꦏꦁ ꦱꦭꦃ ꦱꦮꦶꦗꦶꦤꦺ ꦏꦮꦔꦸꦤ꧀ ꦲꦶꦁ ꦱꦤ꧀ꦠꦿꦶ ꦭꦤ꧀ ꦲꦸꦭꦩ ꦏꦁ ꦏꦱꦮꦁ ꦲꦶꦁ ꦥꦼꦫꦁꦔꦶꦁ ꦥꦔꦺꦫꦤ꧀ ꦢꦶꦥꦤꦒꦫ ꦏꦁ ꦢꦸꦩꦢꦶ ꦥꦶꦠꦸꦤꦤꦶꦁ ꦮ꦳꧈ꦲꦺꦴ꧈ꦕ ꦲꦶꦁ ꦮꦪꦃ ꦲꦶꦏꦸ꧉ ꦭꦤ꧀ ꦱꦧꦸꦧꦂꦫꦺ꧈ ꦮꦺꦴꦁ ꦗꦮ ꦢꦶꦮꦺꦤꦺꦃꦲꦶ ꦥꦶꦔꦺꦴꦫꦲꦶꦱ꧀ꦭꦩ꧀ ꦭꦤ꧀ ꦥꦶꦔ꧀ꦮꦭꦤ꧀ꦢ꧉ ꦮꦺꦴꦁ ꦗꦮ ꦢꦶꦢꦢꦺꦏ꧀ꦏꦏꦺ ꦮꦺꦴꦁ ꦮꦭꦤ꧀ꦢ ꦭꦶꦫꦺꦴꦤ꧀꧉ ꦲꦭꦭꦶ ꦲꦶꦁ ꦕꦫꦤꦶꦁ ꦩꦲꦸꦫꦶꦥ꧀ ꦱꦲꦺꦩ꧀ꦥꦼꦂ ꦮꦺꦴꦁ ꦗꦮ ꦲꦤꦔꦶꦁ ꦪꦺꦤ꧀ ꦢꦶꦲꦫꦤꦶ ꦮꦺꦴꦁ ꦮꦭꦤ꧀ꦢ ꦏꦁ ꦱꦠꦸꦲ꧀ꦲꦸ ꦱꦗꦠꦶꦤꦺ ꦢꦸꦢꦸ꧉ ꦤꦩꦸꦁ ꦢꦸꦩꦢꦶ ꦒꦺꦴꦒꦺꦴꦭꦺꦏ꧀ꦏꦶꦁ ꦮꦺꦴꦁ ꦮꦭꦤ꧀ꦢ ꦢꦶꦏꦺꦴꦤ꧀ ꦲꦥꦲꦥ ꦪ ꦲꦸꦩꦤꦸꦠ꧀꧉ ꦏꦧꦺꦃ ꦏꦁ ꦢꦶꦲꦁꦒꦼꦥ꧀ ꦱꦏ ꦮꦭꦤ꧀ꦢ ꦲꦸꦠꦮ ꦱꦏ ꦪꦸꦫꦺꦴꦥꦃ ꦢꦶꦲꦁꦒꦼꦥ꧀ ꦲꦸꦩ꧀ꦩꦗꦸ꧉ ꦢꦺꦤꦺ꧈ ꦲꦺꦴꦫ ꦲꦔꦸꦥꦪ ꦱꦸꦥꦪ ꦏꦧꦺꦃ ꦧꦶꦱ ꦭꦸꦩ꧀ꦩꦏꦸ ꦲꦥꦶꦏ꧀ ꦏꦤ꧀ꦛꦶ ꦲꦺꦴꦫ ꦲꦔꦺꦴꦮꦃꦲꦶ ꦠꦼꦝꦏ꧀ꦏꦿꦩꦤꦶꦁ ꦮꦺꦴꦁ ꦗꦮ꧉
꧋ꦮꦺꦴꦁ ꦗꦮ ꦲꦺꦴꦫ ꦤꦩꦸꦁ ꦢꦶꦲꦼꦚ꧀ꦗꦃꦲꦼꦚ꧀ꦗꦃ ꦢꦺꦤꦶꦁ ꦥꦶꦤꦩꦚ꧀ꦕ ꦱꦏ ꦤꦺꦢꦼꦂꦭꦤ꧀ꦝ꧀꧉ ꦮꦺꦴꦁ ꦤꦶꦥ꧀ꦥꦺꦴꦤ꧀ ꦲꦠꦼꦏ ꦲꦶꦁ ꦠ꧀ꦭꦠꦃ ꦗꦮ ꦏꦁꦒꦺꦴ ꦲꦔꦸꦮꦱꦤꦶ ꦥꦫꦶꦱꦸꦩ꧀ꦧꦼꦂꦫꦶꦁ ꦗꦮ꧉ ꦱꦠꦸꦲ꧀ꦲꦸ ꦮꦺꦴꦁ ꦗꦮ ꦏꦲꦱꦺꦴꦂꦫꦏꦺ ꦢꦺꦤꦶꦁ ꦮꦺꦴꦁ ꦤꦶꦥ꧀ꦥꦺꦴꦤ꧀ ꦏꦁ ꦝꦺꦮꦺꦏ꧀ꦏꦺ ꦲꦶꦏꦸ ꦩꦲꦸ ꦲꦺꦴꦫ ꦤꦩꦸꦁ ꦲꦸꦩ꧀ꦩꦤꦸꦠ꧀ ꦲꦶꦁ ꦱꦺꦠꦤꦫ꧉ ꦲꦤꦔꦶꦁ꧈ ꦮꦺꦴꦁ ꦤꦶꦥ꧀ꦥꦺꦴꦤ꧀ ꦧꦶꦱ ꦲꦔꦺꦏꦕꦩ꧀ꦥꦸꦂ ꦲꦥ ꦏꦁ ꦱꦏ ꦥꦿꦕꦶꦩꦧꦸꦩꦶ ꦠꦤ꧀ꦥ ꦲꦤꦶꦁꦒꦭ꧀ ꦠꦼꦝꦏ꧀ꦏꦿꦩꦤꦶꦁ ꦮꦺꦴꦁ ꦤꦶꦥ꧀ꦥꦺꦴꦤ꧀꧉ ꦮꦺꦴꦁ ꦤꦶꦥ꧀ꦥꦺꦴꦤ꧀ ꦲꦶꦁ ꦮꦪꦃ ꦲꦶꦏꦸ ꦏꦊꦧꦸ ꦱꦭꦃ ꦱꦮꦶꦗꦶꦤꦶꦁ ꦮꦁꦱ ꦏꦁ ꦲꦸꦩ꧀ꦩꦗꦸ ꦲꦶꦁ ꦧꦸꦩꦶ꧉ ꦢꦺꦤꦺ ꦮꦺꦴꦁ ꦗꦮ ꦧꦶꦱ ꦏꦱꦮꦁ ꦤꦩꦸꦁ ꦢꦸꦩ꧀ꦩꦢꦶ ꦧꦠꦸꦂ ꦲꦶꦁ ꦗꦭꦧꦸꦩꦶꦤꦺ ꦝꦺꦮꦺ꧉
꧋ꦲꦥ ꦏꦁ ꦢꦸꦩ꧀ꦩꦢꦶ ꦲꦭ ꦭꦤ꧀ ꦲꦥꦶꦏ꧀ꦏꦶꦁ ꦧꦫꦁ ꦲꦶꦁꦏꦸ ꦢꦸꦢꦸ ꧇꧑꧐꧐꧇ ꦥꦿꦠꦸꦱ꧀ ꦱꦏ ꦱꦸꦩ꧀ꦧꦼꦂꦫꦺ ꦲꦶꦁ ꦱꦮꦶꦗꦶꦤꦶꦁ ꦭꦭꦢ꧀ꦢꦤ꧀ ꦲꦶꦁ ꦧꦸꦩꦶ ꦲꦶꦏꦶ꧉ ꦲꦥ ꦏꦁ ꦢꦸꦩ꧀ꦩꦢꦶ ꦲꦭ ꦭꦤ꧀ ꦲꦥꦶꦏ꧀ꦏꦶꦁ ꦧꦫꦁ ꦲꦶꦁꦏꦸ ꦱꦏ ꦲꦶꦁ ꦩꦤꦕꦶꦠꦤꦶꦁ ꦲꦮꦏ꧀ꦝꦺꦮꦺ꧉ ꦲꦥ ꦩꦤꦕꦶꦠꦤꦶꦁ ꦲꦮꦏ꧀ꦝꦺꦮꦺ ꦲꦶꦁꦏꦸ ꦮꦶꦱ꧀ ꦲꦮꦸꦗꦸꦢ꧀ ꦩꦤꦕꦶꦠ ꦏꦁ ꦲꦧꦼꦤꦼꦂ ꦲꦸꦒ ꦲꦥꦼꦤꦼꦂ꧉ ꦲꦥ ꦩꦤꦕꦶꦠꦤꦶꦠ ꦲꦶꦏꦸ ꦩꦲꦸ ꦏꦕꦩ꧀ꦥꦸꦂꦫꦤ꧀ ꦧꦫꦁ ꦧꦫꦁ ꦏꦁ ꦲꦺꦴꦫ ꦲꦧꦼꦤꦼꦂ ꦲꦸꦒ ꦲꦺꦴꦫ ꦏꦥꦼꦤꦼꦂ꧇꧈ ꦤꦩꦸꦁ ꦲꦸꦩ꧀ꦩꦤꦸꦠ꧀ ꦲꦶꦁ ꦥꦶꦏꦶꦂꦫꦤ꧀ꦤꦶꦁ ꦩꦤꦸꦁꦱ꧈ ꦲꦲ꧀ꦲꦁꦏꦫꦤꦶꦁ ꦩꦤꦸꦁꦱ꧉
꧋ꦥꦫꦶꦥꦸꦱ꧀ꦠꦏ꧇
Pexel:
Mohammed Abubakr
Chris F
Wikimedia:
First Kyoto Station
Comments
Post a Comment